Saturday, December 18, 2010

Dah lamo tak jumpo..

Osah lamo eh Sopit tak menyinggah kek sini.Kenkadang tu banyak ceghito yang nak ditulih tapi tak ado selegho yo..tak tau lah..

Kojo kek opis tu melambak..ghaso macam tak tau mano nak mulo..semuo nak copek..semuo nak dogheh..abih camno..tangan ni ado duo yo...ado maso sampai buntu..tak bulih nak pikir apo nak buek..kenkadang tu bondo sonang pun tak dapek nak selosai kan...Kato orang pengurusan tu ponting, memang bondo tu ponting tapi kalau dalam bakul kito dah banyak..harus jugak kito mengagihkan pado orang lain, tapi bilo kito buek camtu, ado pulak yang komplen, macam kito sorang yang sibuk..dio pun sibuk jugak..macam mano nak buek kojo untuk kito pulak kan..

Sopit terpaksolah memokakkan telingo dongan bebelan orang lain, bukan suko-suko kito nak menyusahkan dio sekali tapi terpakso dah takdo cagho lain dah..mintak maaf yo kengkawan..

Itu bolum laei ragam user yang tah apo-apo tu, dio nak kito buek kojo untuk dio tapi bilo kito mintak info untuk melongkapkan kojo kito, dio bulih pulak suruh kito pikir sendiri. Ado pulak camtu kan..tapi bilo kito buek ikut citoraso kito, dio komplen pulak tak boto..kalau nak boto kono lah bagi info yang boto..hampeh tul...

Bilo duduk buek kojo tu, semangat nak menyiapkan kojo tu berkobar-kobar, ghaso tak nak bangun, tak nak makan, tak nak rehat selagi tak abih..tapi Sopit ni bukan robot, badan ni tak boleh dipakso bona, nanti dio jem, langsung tak payah..satu bondo pun tak jadi..semuo orang susah..