Sopitkotam: Training..

Ahhh...lamo eh pulak tak menjongok ke sini. Bukan takdo bondo nak tulih doh..tapi tak dapek maso yang sesuai nak menulih tu. Kalau maso eh singkat, nanti tak abih lak keluar fakta-fakta menarik. Jadi, tunggu punyo tunggu punyo tunggu, tak perasan maso dah berlalu macam tu ajo.

Hari Isnin ari tu, Sopit poei training sampailah hari ni. Maklumlah kan, nak meningkatkan skill ni bukannyo sonang. Sopit bersamo 9 orang lagi dari opis poei belajar kek Plaza Sentral nun. Inilah pertamo kali Sopit poei kek Plaza Sentral tu. Memulo tu kono gak lah mintak tolong kengkawan utk poei ke situ, Sopit ni namo yo kojo KL dah lamo tapi tompek yang Sopit mahir bonar dari tompek Sopit turun bas sampai lah kek opis begitulah sebalik eh..tompek lain mintak maaf...Sopit memang tak berani..tak ghoti...

Nak dijadikan ceghito, kek tompek kitorang belajar ni ado 2 vending machine (boto ko tidak ni gak eh..), satu utk air satu lagi utk makanan ringan. Kami ni, bilo tgk mesin tu, tersonyum lebar memasing eh..sambil belajar sambil minum kopi makan keropok, makan kacang, baru lah bersemangat belajar..he..he..hee..tapi kami ni selagi ado bondo tu, tak beghonti mengulang..aduhhh..tapi takpo ..yang pasti apo yang cikgu tu ajar, kami paham..itu yang ponting eh yo tak?

Waktu makan tongahari, kami poei makan kek Sooka Central..situ banyak pilihan tompek makan, tapi kami pilih medan selegho yo lah..Memulo tu tak tau gak nak makan kek mano, tapi ado kawan Sopit poei tanyolah kek orang, dio pun tunjukkan lah Sooka tu..ok gak lah tompek tu. Sapo tak ponah poei tu, cubo lah poei. Tapi Sopit lupo lak nak ambik gambar maso makan tu. Poei sendiri lah..

ni class kami